| 最近友人安仔相約踢波, 作為球會領隊, 當然要嚴選正副隊員, 唔係到時跌落降班旋渦, 就真係喊都無謂.
早過去幾星期同安仔去到大球場揀卒之時, 安仔問: 10號得唔得? 我曰: 唔知..睇睇先...
好彩早到, 唔係實俾人買咗. 此球員三大特點: 當打、有態、有身材
當打: 正直壯年, 而家先至廿幾歲, 大把青春.....係度打徙咗佢!
有態: 從不放棄, 射門出界, 都仲有氣重整士氣, 組織攻勢!
有身材: 高過我同安仔, 搵佢幫"瀨茄"賣廣告一定好賣過"阿dida"
不過:睇咗頭十五分鐘後, 哈..不禁冷笑一聲, 多次嘅進攻只屬虛火, 就算後防, 中場, 組織再更悅目, 合作無間, 多次派波俾10號攻門, 都只係中門楣, 門柱....更嚴重者"撻Q"! 直至完場前五分鐘, 個波先撞楣底直落窄界, 又係10號準備輕輕一督,點知......................幫人護空門, 成個波了返出唻. 我同安仔當堂O咀. 想點??? 我都要變黃興貴: 呢球波一係入，一係龍門救到，一係出界!
半場期間我同安仔問過佢領隊10號仔咩料, 佢領隊話有3樣野唔好: 第1, 有速度; 第2, 跑得快; 第3, 唔夠慢!(......!!!)我曰:咁唔好咩? 有所不知, 就係死係個"快"字, 咩都快唔識收, 個波明明斬到o岩o岩好頂入, 點知就係快得滯, 個人就衝咗入網 . 佢係一個好有觸覺既球員,當佢冇觸覺個時,真係冇晒觸覺,但當佢有觸覺個時,射波阻都阻唔住!!如果你要我半價賣俾你. 我就梗係等等hold住先啦, 錢係我到, 唔好亂fing...睇多幾個先! 不過雖然和但最後都係輸......輸係心理質素!
總括唻講此球員射門敏感度, 體力,耐力,非常足夠...但仍有待改善.
黃興貴大師都講過: 好前鋒就係要化「銀機會」為「黃金機會」。----(開金鋪咩?)
 |
